كان فى واحد اسمه وجدى من مؤيدين السيسى هو وعيلته كله ما عدايا
فاتح مطعم كباب وكفتة مشهور جدا فى الشرقية
وجدى من فترة كان فاتح مطعمه وهوبا كبس عليه بوكس المرافق
وقبل اما الظابط يتكلم كان الصبيان بتوع وجدى مبلطجين على الظابط
وهنا الظابط ملقاش حل غير انه يطلب دعم من النجدة وجاله الدعم وقبض على وجدى والصبيان بتوعه وخدوا 4 ايام حبس على ذمة الجناية
اه ماهى بقت جناية تعدى على ظابط المهم وجدى دفع كفاله وخرج هو واللى معاه مش دى المشكلة
المشكلة بعد شهور من القضية كان النطق بالحكم فى القضية يوم 12/11
القاضى عمل ايه ؟
القاضى قالك يتم التحفظ على المتهمين لحين النطق بالحكم يوم 18/12
يعنى شهر واسبوع
تعالوا نشوف ايه اللى حصل
اخو وجدى اللى كان كل اما يشوفنى يسبلى الدين ويسب الدين للاخوان دلوقتى بيسب الدين للداخلية
طب كان بيسبلى الدين ليه ؟ عشان انا اخوان؟
لاء
كل القصة انى كنت بقول ان الداخلية والجيش فيهم ناس زبالة والكلام دا مكنش بيعجبه
يا تقول انهم كلهم محترمين يا هسبلك الدين
قرايب وجدى واخواته اللى مؤيدين للسيسى دلوقتى بيسبوله
سيبوكم من دا كله
عايز اقولكم ان الظابط بتاع الداخلية غير فى اقواله اللى قالها فى المحضر عشان وجدى يطلع براءة بس القاضى مقتنعش وحبس وجدى
كان جزاة الظابط اللى هما اصلا تعدوا عليه وغلطانين انهم بيسبوا فيه من وراه طبعا
اخو وجدى دخل لواحد صاحبه امين شرطة عنده على الفيس وسبله وسب للداخلية
طبعا ماهو مش عارف يشتم الظابط فى وشه فا دخل سب لأمين شرطة غلبان ومحترم ملوش علاقة بالموضوع اساسا
عارفين المشكلة فى ايه
المشكلة ان الناس دى مش صاحبة مبدأ
احنا لما بننتقد الجيش والشرطة والنظام بننتقد عشان دم الناس اللى بتموت كل يوم واحنا منعرفش مين دول اصلا
بنتكلم عشان الناس اللى بتتحبس ظلم واحنا منعرفهاش
يعنى مسألة مبدأ رافضين الظلم على كله سواء حد نعرفه او لاء
لكن الناس دى قبلت الظلم على جيل بحاله لكن لما اتحكم على حد منهم بالعدل مقبلوش
هو دا بقى الانسان اللى مبدأه نفسى نفسى
هما دول اغلب مؤيدين السيسى
على فكرة ملحوظة اخيرة
اخو وجدى دا اللى كان اتهمنى ظلم على الفيس انى نصاب عشان امسح كل بوستاتى اللى بتنتقد تصرفات البعض فى المؤسسة العسكرية والداخلية
ولما منفذتش طلبه واحرجته دخل قال انه كان بيهزر
فعلا كلكوا هتشربوا من نفس الكاس
وانتوا اللى هتندموا لانكم هتقولوا احنا اللى جبناهم
على عكسنا احنا الحمد لله ايدينا بريئة من كل دم وكل مظلوم عارفين ليه
لان احنا رافضين قتل اى حد بدون ذنب سواء من المؤيدين لرأينا السياسى او ضده
رافضين سجن اى حد بدون ذنب سواء مؤيد لنا او ضدنا
وضد اى نظام يظلم شخص واحد حتى لو الشخص دا لا نعرف عنه شئ
دا الفرق بيننا وبينكم
السبت نوفمبر 15, 2014 10:11 pm
