البعض بيسأل انا ليه اتعلم تسطيب البرامج
وليه اتعلم تسطيب الويندوز من الاساس
دى عملية صعبة وانا عارف نفسى
مش هعرف اتعلم انا بريح دماغى وبروح لبتاع الصيانة يعمل الجهاز
وياخدله عشراية وبريح دماغى
طب وليه تودى جهازك لواحد ممكن يحطلك عليه ملف تجسس من الاساس
ويتجسس على معلوماتك وليه اساسا توديله جهازك ممكن يضطلع على ملفاتك الشخصية خصوصا لو صور وفيديوهات خاصة
احب اقولكم شئ ان تسطيب الويندوز وتسطيب البرامج والحاجات دى كلها
اسهل من شرب الماية لو عرفتها
اقولك
اسهل من انك تمسك موبايلك وتعمل اتصال تليفونى
كل العملية محتاجة بس منك عزيمة اطلاع انك فعلا تنوى انك تشوف المعلومات اللى بتنزل او تدور على شروحات
او انك تسأل على الحاجة اللى انت مش عارفها واحنا هنجاوبك عليها
صدقونى لو جربتوا الموضوع دا هتدعولى
ومستنى استفساراتكم فى الجروب
الإثنين يناير 13, 2014 6:31 pm
