وانا راجع من المكتب

وانا خارج من المكتب رايح البيت
المسافة كانت 10 دقايق قولت استغلهم وانا ماشى
استغفرت ربنا 100 مرة وقولت سبحان الله وبحمده سبحان الله العظيم 100 مرة وبعدين قريت سورة الصمد 15 مرة وبعدين قولت لا حول ولا قوة الا بالله 15 مرة
الاولى تفرج الهم وتوسع الرزق والثانية كلمتان ثقيلتان فى الميزان والثالثة ثواب قراءة القرأن 5 مرات والرابعة تحصلت على 35 كنز من كنوز الجنة
شوفتوا الحسنات سهلة ازاى؟
الموضوع مش موضوع مكتب وبيت
الموضوع موضوع ان احنا عندنا اوقات كتيرة بنضيعها بدون ما نستغلها
اثناء الطبخ
اثناء التسوق
اثناء ركوب التاكسيات او المواصلات
اثناء الذهاب لمشوار ما
الحسنات سهلة للى بيدور عليها
اقولكم دليل كمان؟
"من استغفر للمؤمنين والمؤمنات كتب له بكل مؤمن ومؤمنه حسنة"
تخيلوا كام مؤمن ومؤمنه من ايام سيدنا ادم لغاية النهاردة
مش لازم انا اللى اقولكم على كل الاحاديث
فى احاديث كتيرة للى بيدور ونفسه فى حسنات
ياترى هنضيع الوقت دا كله من ايدينا من غير ما نستفيد منه؟
الدليل من الاحاديث على الكلام اللى ذكرته فى اول الموضوع
"من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب"
مين مننا مش مهموم مين مننا مش عايز يوسع رزقه ؟ اهو الحل قدامك واقف ليه
الحديث الثانى
"كلمتان خفيفتان على اللسان ثقيلتان فى الميزان حبيبتان الى الرحمن سبحان الله وبحمده سبحان الله العظيم"
مش احنا عاوزين ربنا يدينا الحاجة اللى بنحبها؟ طب ما نديله الحاجة اللى بيحبها عشان يدينا الحاجة اللى بنحبها
ولا احنا عايزين ناخد وبس؟
الحديث الثالث
"قل هو الله احد تعدل ثلث القرأن"
تخيلوا فى كام حرف فى لقرأن تخيلوا كإنكم قريتوا القرأم خمس مرات
الحديث الرابع"

عن حازم بن حرملة قال: مررت بالنبي صلى الله عليه وسلم فقال لي يا حازم أكثر من قول لا حول ولا قوة إلا بالله، فإنها من كنوز الجنة.




تخيلوا بقى لو انتوا معملتوش بالموضوع دا بس؟
لا ونشرتوه وفى ناس تانية اخدته منكم وعملت بيهه تخيلوا ملايين الحسنات هتجيلكم لغاية عندكم من غير ما تعملوا حاجة

اتمنى يكون اول موضوع ليا فى المنتدى يعجبكم
حبيت ابتديه فى القسم الاسلام
حتى تكون بداية موفقة ان شاء الله لى فى المنتدى