بعد نزول نسخة الويندوز 10
كان لازم على العبد لله انه يجربها وميسيبهاش تفوت من تحت ايده
وبعد شوية تفحيص وتمحيص وتجربة سريعة للنسخة كان لازم احط موضوع بالنتيجة اللى وصلتلها
النسخة الجديدة شملت تغييرات على المستويين العام والخاص
الخاص ودا ميهمناش فى شئ لان معظمنا بيستخدم النسخة اسستخدام عام
واليكم الملاحظات
1- على المستوى العام اولى الملاحظات النسخة اصبحت سريعة جدا فى الاقلاع وايقاف التشغل لدرجة لا تتعدى ال 10 ثوان عند الفتح ولا تتعدى الخمس ثوان عند غلق الجهاز ودا طبعا انجاز بالنسبة للنسخة السابقة عدا 8.1 الى حد ما كان فيها الخاصية دية
2- سرعة استجابة للاوامر تفوق جميع الاصدارات السابقة من نسخ الويندوز
3- تم تحديث انترنت اكسبلورر واصبع بشكله الجديد ينافس اقوى المتصفحات العالمية مثل موزيلا فايرفوكس وجوجل كروم ومش هبالغ ان قولت ان التصفح على الانترنت اكسبلورر اصبع طرفة عين (الحمد لله عشت لغاية لما شوفت اليوم دا)
4- النسخة جمعت بين الويندوز 7 والويندوز 8 يعنى من الاخر اللى بيحب ال 7 هيرتاح فيها جدا واللى بيحب ال 8 هيرتاح فيها جدااا
5- النسخة بتعرف الاجهزة لوحدها من غير تدخل منك وفى حالة فى تعريف منزلش تقدر تعرفه بسهولة عن طريق الابديت درايفر
6- تم ارجاع قائمة start مرة اخرى مع دمج واجهة الميترو فيها
7- اضافة تحديث خاصية pin to start و pin to taskbar للنسخة ودى بتتيح ليك انك تختار برامج معينة للوصول السريع اليها انك بتعلم على البرنامج بزر الفأرة الايمن وتختار اضافته لقائمة المترو او التاسك بار وايضا تقدر تشيلهم تانى كما بالصور
8- وكما هو واضح بالصورة قبل الاخيرة تم اضقاء خاصية تكبير وتصغير الايقونات فى قائمة المترو
9- تم اضافة خاصية ping to start لل partitions كما هو موضح بالصورة
10- خاصية البحث المدرجة فى قائمة start تم تمكينها لتبحث فى الويب تلقائيا دون تدخل منك كما بالصورة
11- تم ادراج برنامج Skype مع النسخة لمستخدمى هذا البرنامج الشهير كما بالصورة
دا اللى شوفته جديد فى النسخة حتى الان
اما بالنسبة للتحديثات الخاصة اللى متهمش كتير من المستخدمين من خلال اللى شوفته توحيد النسخة لتصلح لجميع الاجهزة سواء اجهزة مكتبية او هواتف او غيرها بالاضافة لتوحيد المتجر الخاص بالنسخة لجميع انواع الاجهزة
كما ان الشركة اضافت خاصية Continuum والتى تسمح للمستخدم التنقل بسهولة بين استخدام لوحة المفاتيح او خاصية اللمس
فى رأيى المتواضع النسخة مرضية جدا جداااااااااااا لمحبين استخدام الويندوز عموما اما مستخدمي منتجات اللينكس اعتقد ان اللينكس سيظل فى المرتبة العليا لهم خصوصا ان تحديثات مايكروسوفت فى نسخة الويندوز 10 هى بالنسبة لمستخدمى اللينكس خواص قديمة جدااااا
فوتناكم بالعافية
الأحد أكتوبر 05, 2014 11:36 pm
