شرح

افضل موقع شرح عربى متكامل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول الروبوت جالب المواضيع





إرسال موضوع جديد   إرسال مساهمة في موضوعشاطر | 
 

 العربية بترجع لورا

اذهب الى الأسفل 
كاتب الموضوعرسالة
Admin
Admin


عدد المساهمات : 694
نقاط : 2571
تاريخ التسجيل : 24/10/2011

مُساهمةموضوع: العربية بترجع لورا   الإثنين يونيو 01, 2015 12:56 pm

تعاملك مع الشيطان زى تعاملك مع الموبيل
فى الاول مبتبقاش عارف تتعامل مع الموبيل بس بعد كده بتبقى عرفتله وفهمتله وقتدر تتغلب على خباياه


عمرك فكرت قبل كدا
 
انك تزق عربية؟


مقابلكش مرة فى الطريق وانت ماشى


واحد بيقولك زق معايا العربية دية؟


طب كنت بتزقها لوحدك؟


ولا حد بيساعدك؟


طب لما بتبدى تزقها ايه اصعب اول طلعة ولا لما تكون اتزقت بقت اسهل وبتمشى معاك؟


ايه الكلام ده؟
متاخدش فى بالك 
الكلام ده فى الاخر


تعالوا نشوف الموضوع من اوله

مجاش فى بالك فى مرة انك تلتزم وملتزمتش؟
حبيت تقرب من ربنا ومعرفتش
اول لما تبتدى تصلى يومين تلاتة اربعة وتبتدى تكسل وتبطل
ويكونوا حتى ايام تقيلة عليك
طب نفسك فعلا تقرب من ربنا ومش عارف تقرب منه ازاى؟
ماهو ده بسبب انك مش عارف مين عدوك
ومش عارف تتعامل معاه ازاى
تخيل كده انت ماسك موبيل اول مرة


هتعرف تتعامل معاه؟


اهو ده التزامك


انت بتتعامل مع عدو ليك اول مرة


ولإنك مش عارف تتعامل معاه


فا الطبيعى انه يغلبك فى الاول

زى بالظبط لما تكون رايح تحارب واحد متدرب ومعاه كله اسلحته


وانت ممعكش لا سلاح ولا متدرب ولا أى حاجة


تفتكر هتعرف تغلبه؟


لاء طبعا


اهو التزامك ده هو الحرب اللى انت داخل عشان تكسبها


وعدوك اللى سلاحه كامل ومتدرب بقاله الاف السنين هو الشيطان باسلحته طبعا


طب انت لازم تتدرب وتجهز 


وتعرف تختار السلاح المناسب اللى تغلبه بيه


مش بس كده 


فاكرين مثال العربية؟


تفتكر لو انت زقيت العريبة وبقت بتمشى سريع لقدام


وفجأة جه واحد لوحده راح للجهة اللتانية من العربية وقالك انا هوقفهالك وهخليها تمشى ناحيتك بضهرها


تفتكر هيعرف ؟


هى دى النتيجة اللى هنوصلها إن شاء الله تعالى


إننا هنخلى الشيطان اصلا ميعرفش يرجعنا لورا


هييجى يزق هيلاقيها صعبة


دى فكرة حلقاتنا


اعتبر الحلقات دى مسلسل رمضانى من اللى بتتابعه


بس هتتابعه عشان اخرتك


كل يوم هننزل حلقة صغيرة


وياريت كل اللى يقرا ويستفيد 


يشير ويدعى لإيهاب بالرحمة


اشوفكم فى الجزء الثانى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
Admin
Admin


عدد المساهمات : 694
نقاط : 2571
تاريخ التسجيل : 24/10/2011

مُساهمةموضوع: رد: العربية بترجع لورا   الإثنين يونيو 01, 2015 1:06 pm

اخذ الحيطة والحذر

قبل اما نبدأ فى سرد بقية الحلقات


كان لازم نتكلم عن اخذ الحيطة والحذر؟


الحيطة والحذر من إيه؟


اقولك


هو دخولك الموضوع هنا ده بالساهل؟


تفتكر سهل على الشيطان يشوفك داخل هنا ويسكت


لاء طبعاااا
كل مرحلة وليها سلاح عند الشيطان


ولإنك لسة متدربتش كويس ومش دارس عدوك


فا أنت الشيطان هيستخدم أول أسلحته ويضحك عليك بسهولة


وسلاح الشيطان فى المرحلة الحالية 


هو


ياعم إلتزام إيه؟


انت هتفضل زى ما انت مش هتتغير


ما انت حاولت كتير قبل كده ومعرفتش


بص انت اللى زيك كده كده داخل النار


تتعب نفسك ليه


والناس هتقول عليك متشدد


تفتكر انت هتبقى صحابى ماشى على الارض


ده انت حيا الله اخرك هتصلى ودمتم ده إن كملت اساسا


عرفتوا السلاح ايه؟


سلاح اليأس


ومش بس كده


ده انت اول لما تفكر تصلى صح


على سبيل المثال


هتلاقى نفسك بتقول لنفسك انا هقول لحد يبقى يخلينى اقوم اصلى


يشجعنى 


وفى نفس الوقت الشيطان من جواك


لاء لاء اوعى


ولما تبتدى تكسل تانى 


هتهرب من الشخص ده ازاى عشان متصليش؟


خليها لما تتأكد انك هتصلى


هو ده الشيطان


هو ده اسلوبه


لو معرفش يغلبك بالسلاح الاول


يتنقل للسلاح التانى


سلاح جرب الاول


مشيت كان بها ممشتش يبقى خلاص


والسلاح ده خطير جدااااا
فى فرق بين إنى اكون داخل اجرب
او داخل وانا فى بالى عارف إنى يا قاتل يا مقتول ولازم اخرج قاتل وإلا فا انا موتت


فى الاولى انت عارف انك فى الحالتين هتبقى خارج عايش


مش هتبقى عارف الحقيقة


انك هتبقى موتت فعلا وإنت مش واخد بالك


لكن فى الحالة التانية


انت عرفت انك لو مبذلتش قصارى جهدك


فا انت ميت


اشوفكم الحلقة اللى جاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
Admin
Admin


عدد المساهمات : 694
نقاط : 2571
تاريخ التسجيل : 24/10/2011

مُساهمةموضوع: رد: العربية بترجع لورا   الإثنين يونيو 01, 2015 1:25 pm

الحلقة 3


خلاص عرفنا مين عدونا


عرفنا سلاحه اللى بيستخدمه فى المرحلة الحالية


طب من خلال الحلقة اللى فاتت قدرنا نستشف الاسلحة اللى هيستعملها قدام


طب نتدرب بقى عشان نعرف نستعدله


طب إيه الأسلحة اللى هنستخدمها؟


هو سلاح واحد فقط متفرع منه أنواع متعددة من الذخيرة الحية


الثقة بالله


ده سلاحك


إنك تكون واثق فى ربنا إنه استحالة يشوفك بتلجأ إليه 


عشان يحميك من الشيطان ومن شر نفسك


ويسيبك تحارب لوحدك


تثق انه هيكون بجانبك دايما فى المعركة


تخيل صاحبك شايفك بتتخانق 


انت رفيع وعدوك رفيع وصاحبك بسم الله ما شاء الله يفصل منكم ستة

تفتكر هيسيبك تتخانق لوحدك؟


هو أساسا مش محتاج مساعدتك 


كفاية بس عرف انك بتلجأله


وهو هيقوم بالواجب لوحده


ما بالك برب العزة جنبك


بتلجأله 


تفتكر هيسيبك فريسة للشيطان؟


لاء خالص


طب هيساعدك على طول 


لاء طبعا


صحيح ربك كبير بس لازم يمتحنك الاول


لازم يتأكد وهو يعلم مسبقا يتأكد إنك صادق فى اللجوء إليه


يقول الله عز وجل


" احسب الناس أن يتركوا يقولوا أمنا وهم لا يفتنون"


لازم ربنا يختبرك الاول 


لو نجحت وعديت تأكد إنك من الناجيين بإذن الله


ناج لانك بقيت فى حماية ربنا


تفتكر حد يقدر يقربلك ولا الشيطان ذات نفسه لو إنت فى حماية ربنا؟


لاء طبعااااا


بس بشرط


لازم وانت بتقول لاء تكون فعلا واثق فى ربنا


مش مجرد كلام بنقوله وخلاص


أنا واثق ان ربنا مش هيسيبنى لغاية لما يدخلنى جنته


أنا واثق إن ربنا مش هيسيبنى أرجع عن إلتزامى


ماهو انت لازم تثق 


ربنا عز وجل يقول
"أنا عند ظن عبدى بى ، فليظن عبدى ما شاء"
شوف هتظن بربنا إيه


حديث اخر يقول الله تعالى فيه


"من تقرب إلى شبرا تقربت أليه ذراعا ، ومن تقرب إلى ذراعا تقربت إليه باعا ، ومن أتانى يمشى أتيته هرولة"


إبدأ من دلوقتى


البداية عليك انت 


ربنا بيستنى منك البداية وهو هيجيلك جرى


طولت عليكوا 


اشوفكم الحلقة اللى جاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
Admin
Admin


عدد المساهمات : 694
نقاط : 2571
تاريخ التسجيل : 24/10/2011

مُساهمةموضوع: رد: العربية بترجع لورا   الإثنين يونيو 01, 2015 1:48 pm

الحلقة 4


اتكلمنا فى الحلقات اللى فاتت عن عدونا مين


اسلحته إيه وبيستخدمها إزاى


وقولنا سلاحنا إيه ومين هنبقى فى حمايته وايه شرط إننا نكون فى حمايته


تعالوا بقى نشوف اللى هنبقى فى حمايته ده بيحبنا ازاى وقد ايه


عشان نعرف إذا كان هيحمينا ولا لاء


عشان ثقتنا تكون حقيقية مش مجرد كلام


حاجات كتيرة جداااااا بتورينا قد ايه ربنا بيحبناا


بس انا هختصر عليكم وهكتفى بحاجات بسيطة تحصل يوميا


ربنا فرض علينا صلاة تسمى صلاة الفجر


هل تعلم ما فوائدها؟


اولها ان الله يقسم الارزاق فى البكور فى هذا الوقت 


فرض الفجر فى هذا التوقيت يجعلك من اهل هذه الارزاق


صلاة الفجر ذكر فيها حديث


"من صلى الفجر فى جماعة فهو فى ذمة الله حتى يمسى"
تخيل رئيس الجمهورية بيقولك انت فى حمايتى لغاية لما تنام


تفتكر اصلا هيجيلك نوم من الفرحة؟


انت فى حماية ربنا


ربنا شرعلك اذكار صباح ومساء ونوم


صباح عشان تحميك طول اليوم من الشيطان والسحر والجن والعين


مساءا برضه هكذا


طب ربنا بيحبك


وعارف انك لما تنام هتبقى رامى اسلحتك


وعرضة لعدوك


شرعلك اذكار نوم طول ما انت نايم


انت فى امان


اقولك دليل كمان على حب ربنا لك


ربنا شرعلك أذكار تقال بعد كل صلاة


عارف فائدتها إيه؟


محو ذنوبك ولو كانت مثل زبد البحر


لو مكنش ليها نهاية


تخيل خمس مرات يوميا بتمسح ذنوبك


تفتكر ربنا مبيحبكش؟


تخيل ربنا شرعلك قراءة أية الكرسى بعد كل صلاة


عارف فايدتها ايه


مفيش حاجة تمنعك من دخول الجنة إلا إنك تموت


ياااااااه ربنا بيحبنا قوى كده


مش مقتنع؟


هو فى رئيس جمهورية ممكن يعمل معاك كل اللى فوق ده اصلا؟


هو محتاج منك ايه اصلا


انت ايه بالنسباله عشان يكون كريم معاك كده


خد دول عندك


ربنا شرعلك إن الحسنة تكتب لك بعشر امثالها


والسيئة بواحدة فقط


فى حب اكتر من كده


خد النقطة التانية


ربنا كمان اداك حاجة حلوة


لو فكرت تعمل حسنة ومعملتهاش تكتب لك حسنة


ولو فكرت تعمل سيئة ومعملتهاش


متتكتبش


ياااااااااااااااااه 


هو ربنا بيحبنا قووووى كده


اه طبعا 


خد عندك


تخيل صاحب عمرك غلط فى حقك


هتسامحه


غلط تانى


هتسامحه


كرر نفس الغلط مرة 3


هتسامحه بس لما يتأسف


طب عمل نفس الغلطة رابع وخامس وسادس وهو متعمد 


هتعرف تسامحه؟


تخيل ربنا بقى


تغلط زى ما انت عاوز


وتستغفر زى ما انت عاوز


ويسامحك ويعطيك اكثر مما تتمنى كمان


تخيل لو فى إنسان بيحبك بالشكل ده


هيتأخر عن مساعدتك لو احتجتله؟


تخيل انت فى حماية ربنا اللى بيحبك


تفتكر الشيطان هيقدر يرجعك عن التزامك تانى؟


طولت عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
 
العربية بترجع لورا
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
شرح :: القسم العام :: الاسلاميات-
إرسال موضوع جديد   إرسال مساهمة في موضوعانتقل الى: