شرح

افضل موقع شرح عربى متكامل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول الروبوت جالب المواضيع





إرسال موضوع جديد   إرسال مساهمة في موضوعشاطر | 
 

  نفسى اصلى ومش عارف اعمل ايه؟حلك هنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 692
نقاط : 2567
تاريخ التسجيل : 24/10/2011

مُساهمةموضوع:  نفسى اصلى ومش عارف اعمل ايه؟حلك هنا   الثلاثاء مايو 12, 2015 5:42 pm

نفسى اصلى ومش عارف اعمل ايه؟حلك هنا..!






النهاردة حبيت يكون موضوعى عن اللى نفسه يصلى ومش عارف


كتير مننا حاول كتير


نفسه يصلى وفى حاجة منعاه


يسمع الاذان يبقى عاوز يقوم يصلى وميقومش


يا إما كسل او غيره


الواحد فى نفسه يقول انا كوبس


والله العظيم كويس


مش ناقصنى غير انى اصلى بس ومش عارف اصلى














والبنت اليومين دول تقول انا كويسة


بحاول ارضى ربنا على قد اما اقدر


محجبة ملتزمة اخلاقيا تماما ودينيا الى حد كبير جدا


الحاجة اللى نفسى اعملها ومش عارفة اعملها هى انى اصلى


نفسى اقوم اصلى محسش ان الصلاة تقيلة ومش عارفة


اعمل ايه طيب عشان اعرف اصلى


فى موضوعنا دا ان شاء الله هنكتب شوية حاجات ربما مخدتوش بالكم منها قبل كدا


وربما تساعدكم انكم تصلوا ان شاء الله تعالى


وسوف اكتب الموضوع على عدة مراحل ان شاء الله


وهحاول ابعد ان شاء الله عن الكلام اللى كلنا عارفينه بالطريقة اللى احنا عارفينها


قدر الامكان وتركيزى هيكون عن الايجابيات


اللى تشجعك على انك تصلى وانت مرتاح نفسيا مش وانت حاسس ان الصلاة تقيلة


بسم الله نبدأ الموضوع


انزل للأسفل لتكملة الموضوع 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
Admin
Admin


عدد المساهمات : 692
نقاط : 2567
تاريخ التسجيل : 24/10/2011

مُساهمةموضوع: رد:  نفسى اصلى ومش عارف اعمل ايه؟حلك هنا   الثلاثاء مايو 12, 2015 7:57 pm

عمرك سألت لنفسك السؤأل دا؟


هتفضل كدا لحد إمتى؟


طب السنوات اللى فاتت دى كلها راحت 


ياترى انت خلاص إخترت مصيرك يبقى كدا؟


طب انت حاسس انك مش مبسوط فى دنيتك
نويت كمان تخسر اخرتك وتبقى خسرت ال2؟
طب لو انت حابب تكسب اخرتك كمل معانا 


خد الخمس دقايق دول


هيفرقوا معاك كتير جدااااا


بس متنساش تقراهم بتمعن وبتفكير طويل مع نفسك


هذه الرسالة يكفى أن تقرأها فى خمس دقائق لن تخسر شئ إن استفدت فلك وإن لم تستفد فقد خسرت خمس دقائق فقط






بسم الله الرحمن الرحيم




عدة رسائل سريعة فى فضل الصلاة




لكل من تكاسل عن أداء الصلاة لمجرد التكاسل او لمجرد الظن أن الجنة صعبة ولم تخلق لأمثاله




هل تعلم انه اذا تركت الصلاة لمدة عشرون عاما فانك بذلك قد تركت 36500 صلاة سوف تحاسب عليهم صلاة صلاة فإذا بطلت صلاتك بطل سائر عملك حتى لو كنت من افضل الناس فى الدنيا فى وقتك؟




هل تعلم انه عند إفتتاحك للصلاة وقبل قراءة الفاتحة فى اول ركعة انك تدعو وتقول "اللهم باعد بينى وبين خطاياى كما باعدت بين المشرق والمغرب، اللهم نقنى من خطاياى كما ينقى الثوب الأبيض من الدنس ، اللهم اغسلنى بالثلج والماء والبرد" خمس مرات يوميا فى متوسط عشرون عاما يعنى دعيته 36500 مرة لو استجاب الله لك مرة منهم تكفى؟




هل تعلم إنك تدعوا بين كل سجدتين "أللهم أغفر لى،وأرحمنى،وأجبرنى،وأهدنى،أرزقنى" يعنى ما لا يقل عن خمس مرات يوميا يكفى أن يستجيب الله واحدة لك؟ دعاء بغفران الذنب والرحمة والهداية والرزق




تمعن جيدا فى هذا الدعاء .. هل تعلم إنك تدعو بعد التشهد الأخير فى كل صلاة تقول " اللهم إني أعوذ بك من عذاب القبر،ومن عذاب جهنم،ومن فتنة المحيا والممات ،ومن شر فتنة المسيح الدجال"خمس مرات يوميا فى متوسط عشرون عاما يعنى دعيته 36500 مرة لو استجاب الله لك مرة منهم تكفى؟




اقولك حاجة جميلة؟ عايز مفيش حاجة تمنعك من دخول الجنة غير إنك تموت بس؟
خايف تموت تخش النار؟
طب شوف اللى جاى ده




حديث النبى عليه الصلاة والسلام يقول"من قرأ أية الكرسى دبر (بعد) كل صلاة مكتوبة،لم يمنعه من دخول الجنة إلا الموت" اقراها خمس مرات فى اليوم والموت هو الوحيد اللى هيكون مانعك من الجنة




اقولك على حاجة أجمل وأجمل؟ إيه رأيك انك تمشى على الأرض وإنت معندكش ذنب واحد؟
تبقى حاسس انك لو توفاك الله هتدخل الجنة؟


يقول صلى الله عليه وسلم."من سبح الله دبر كل صلاة ثلاث وثلاثين، وحمد الله ثلاثاً وثلاثين، وكبَّر الله ثلاثاً وثلاثين، ثم قال تمام المئة لا إله إلا الله وحده لا شريك له، له الملك وله الحمد وهو على كل شئ قدير، غُفرت له ذنوبه وإن كانت مثل زبد البحر"




حديث أخر "إن الصلوات الخمس يذهبن بالذنوب كما يذهب الماء الدرن"




البعض يتملكه اليأس فقد فاتنى عشر سنوات لم اكن اصلى بها كيف اصلى هذه الصلوات ستأتى منقوصة يوم القيامة نقول أن الصلاة لا تصح الا فى وقتها وقد مضى وقت هذه الصلوات فكل ما عليك هو التوبة والندم على ما فات والإكثار من صلاة السنن والنوافل فإنه إن جائت صلاتك منقوصة فإن الله عز وجل يخاطب ملائكته إنظروا لعبدى هل له من تطوع؟ وأعلم ان التوبة تجب ما قبلها وعليك البدء الأن فسوف تحاسب منذ هذه اللحظة على هذه الرسالة التى وصلتك لو أهملتها
البعض يقول لن استطيع تعويض ما فاتنى من صلوات وكده كده صلاتى هتيجى منقوصة
اقوله اعمل اللى عليك وسيب الباقى لربنا واعلم اننا داخلين الجنة برحمته وليس بعملنا
مهما عبدنا لن نوفيه حق نعمة واحدة من نعمه ولعل كلنا نذكر توبة قاتل ال 100 نفس لم يفعل فى حياته حسنة واحدة وقتل 100 نفس ورغم ذلك اصبح من اهل الجنة
لان توبته كانت نصوحة
فلا تجعل صلواتك الفائتة سلاح فى يد الشيطان يثبت به همتك فى التوبة
تب الى الله وتذكر كل ما قرأته فوق من غفران ذنوب وعدوات وغيرها
وتوكل على الله فيما تبقى لك من عمرك




أخيرا أخى الكريم / أختى الكريمة : إعلموا إن الله لا يبارك فى مال يأتى عن طريق عمل يلهى عن الصلاة ومتقولش انا لقيت شغل بالعافية ومش عارف أجمع بينه وبين الصلاة إعلم إنه من ترك شيئا لله عوضه الله خيرا منه أترك ذلك العمل فورا إرضاءا لله وسيعوضك الله خير وأفضل منه بكثير واعلم إنك إن أرضيت ربك سيرضيك إقرأ التالى




الدنيا غامقة فى عنيك وعمال تشتغل يمين وشمال ومش عارف تعمل ايه؟ الفلوس بتجيبها بالعافية ومش عارف تعمل ايه فى التزاماتك؟ خد الحديث دا عن ربنا عز وجل عشان تعرف السبب ايه ومتنساش تتمعن فى الحديث كويس جدااااا
عن أبي هريرة رضي الله عنه أن النبي - صلى الله عليه وسلم - قال : ( إن الله تعالى يقول : يا بن آدم تفرغ لعبادتي أملأ صدرك غنى وأسدُّ فقرك ، وإلا تفعل ملأت يديك شغلا ولم أسد فقرك ) رواه الترمذي وابن ماجة والإمام أحمد في مسنده وغيرهم ، وحسنه الترمذي وصححه الألباني .


انزل للاسفل لتكملة بقية الموضوع


إن كانت هذه الرسالة مفيدة لك فأرجوا الدعاء لى بهذا اللفظ يمكن قرائته " أللهم أهد كاتب هذه الرسالة الى صراطك المستقيم وارزقه حسن الخاتمة بسجدة خالصة لك وأرزقه الثبات عند الممات"

لا تجعلها تقف عندك أنشرها ولك الأجر والثواب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
Admin
Admin


عدد المساهمات : 692
نقاط : 2567
تاريخ التسجيل : 24/10/2011

مُساهمةموضوع: رد:  نفسى اصلى ومش عارف اعمل ايه؟حلك هنا   الثلاثاء مايو 12, 2015 11:45 pm

فى الجزء ده هتكلم كلمتين صغيرين


ممكن تكون قريت الكلام اللى فوق ده


ومقتنع بكل حاجة فيه


بس برضه مش عارف تتحرك


مش متشجع


طب اسأل نفسك طب وبعدين؟


خلاص اهيأ نفسى ادخل النار؟


طب جرب كده تمسك عود كبريت مولع لنص دقيقة كده هتستحمل؟


طب إيه؟ وبعدين؟


متكاسل برضه غصب عنك


حاسس انك مش هتقدر تواظب؟


او لسة تقيلة؟


هقولك كلمتين يحاولوا يساعدوك


انت اخرك فى الدنيا هتعيش قد ايه؟


10-15 سنة ممكن اقل؟


ممكن تنام بالليل متصحاش


طب جرب كل يوم بالليل كده وانت داخل تنام فكر انك ممكن تنام متصحاش


صدقنى مش هتعرف تنام بعد كده كل يوم الا وانت خايف انك متصحاش


طب اقولك حاجة


انت مستمتع فى حياتك؟


معندكش مشاكل ومعاك فلوس وكل اللى نفسك فيه معاك والدنيا بيس؟


طب لو مش كل اللى فات ده ليه بقى تضيع استمتاعك بالاخرة؟


تخيل كده لو تعبت 10 او 15 سنة وتوفاك الله


لقيت نفسك فى الجنة بكل حاجة حلوة فيها


هتفتكر تعبك فى الدنيا؟


هتفتكر انك كان نفسك تتجوز فلانة ومرضيتش هتفتكرى ان كان نفسك فى الفلوس الفلانية وربنا مكتبهاش من نصيبك؟


كل ده ولا يسوى لحظة فرحتك وانت داخل الجنة


اعظم فرحة ممكن تتخيلها فى الدنيا ايه؟


اقل من فرحتك بدخولك الجنة ونجاتك من عذاب النار اللى هتحرق كل جزء فى جسمك


حاول تعقل وحاولى تعقلى كده


وتوكلوا على الله من دلوقتى


احنا مظلومين وحقنا مهضوم فى الدنيا بلاش كمان نضيع اخرتنا


على حاجة مش هتكلفنا ساعة يوميا


نيجى بقى للجزء الرابع


انزلوا تحت للمتابعة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
Admin
Admin


عدد المساهمات : 692
نقاط : 2567
تاريخ التسجيل : 24/10/2011

مُساهمةموضوع: رد:  نفسى اصلى ومش عارف اعمل ايه؟حلك هنا   الأربعاء مايو 13, 2015 12:05 am

أسباب تعينك على عدم ترك الصلاة


طبعا الاسباب اللى ذكرتها فوق دى لوحدها تكفى وتكفى تماما


وإن مأثرتش فيك اخاف ان بقية الاسباب متأثرش فيك


بعد ذكر كل ما سبق


لازم تعرف عظم قدر الصلاة ربنا عز وجل


ومش هتكلم واقول كل شئ 


بس هتكلم فى اللى يحرك اى حد فينا 


اول شئ ان تارك الصلاة متعمد كافر بنص الحديث اللى كلنا عارفينه


هتقولى انا متكاسل هقولك المتكاسل يستتاب 3 ايام وان لم يفعل يقتل حدا


متخيل؟ يعنى عقوبتها فى الناحيتين ايه؟


طب وبعدين؟


مفيش بعدين تخيل دلوقتى إنت عرفت انك هتموت كمان ساعتين


إيه اول أمنية هتتمناها؟


هتتمنى ربنا يمد فى عمرك عشان تصلى وتصوم وتطيعه 


صح؟


طب على فكرة انت اساسا ممكن تموت قبل اما تكمل قراية الموضوع


ليه دايما متفكرش انك ممكن تنام متصحاش


طب انا هموت بكرة وعرفت انى هموت بكرة


يبقى هصلى النهاردة


وكل يوم تفكر بنفس الطريقة


ومتسيبش الشيطان يقولك ياعم انت صحتك بمب ياعم انت مش هتموت دلوقتى لسة شباب


كان شاب عنده 20 سنة وصحته بمب ماشى فى الشارع عادى


وعلى جنب وهوبا سواق متهور خبطه بعربية من ضهره مات فى لحظتها


ملحقش حتى يتوب ويصلى


كان رايح جامعته وراكب الميكروباص وهوبا الميكروباص وقع من فوق الكوبرى مات


مش بالصحة؟ مش بالسن


ده قدر ربنا 


اخويا الله يرحمه


زينا كده كان بيخس لكن مش حاسس بتعب بس بيخس


شهر 2 3 4 بيخس صحيح جسمه حلو بس بيخس


وكل اللى حواليه قالوله كده قالك اما اروح لدكتور اشوف ايه الحكاية


راح هوبا لقى عنده سرطان


عارفين؟


فى مرحلته الاخيرة


ومكنش حاسس بتعب ولا حاجة ولسة شباب زينا


ولما دخل المستشفى كان مستنى اما ييجى دوره عامل زى ما يكون محكوم عليه بالاعدام


ومستنى تنفيذ الحكم خلاص


ياترى بقى فين صحته يلحق يصلى يصوم يعوض اى حاجة من اللى فاتت


مفيش


يارب يرحمه ويسكنه فسيح جناته يارب


ويصبرنى على فراقه

المهم اعتقد كده عندك من الاسباب ما يكفى ليعينك على انك تصلى


طب ايه تانى ممكن يعينك على الصلاة؟


انك تعرف ان الصلاة دى اساسا هدية من ربنا ليك قبل اما تكون فرض عليك


راجع الجزء الاول كده وشوف كمية الادعية اللى بتدعيها لنفسك؟


سواء فى الفاتحة او فى السجود او التشهد


ادعية بالرحمة والمغفرة والرزق والنجاة من عذاب القبروالنجاة من جهنم غير اللى بتدعى بيه لنفسك


حاجة كمان تأكدلك انها هدية


قرائتك للاذكار بعد كل صلاة بتغفرلك ذنوبك كلها تخيل عندك ثوب متسخ بتغسله 5 مرات يوميا هتلاقى فيه أى اتساخ؟


انت بتنقى ذنوبك 5 مرات يوميا


تخيل انك تبقى ماشى بعد كل صلاة حاسس ان مفيش حاجة منعاك من الجنة غير انك تموت لما تقرا اية الكرسى ورا كل صلاة


اعرف ان الصلاة هدية ليك وربنا شرعها لافادتك


بخلاف النظافة العامة بسبب الوضوء وبخلاف ما ذكرناه كفاية ان بقينا فى عصر محدش بيذكر فيه ربنا الا فى الصلاة


يعنى دى الحاجة اللى بتذكر فيها ربنا على اقل ما نتخيل


حتى دى نكسل فيها؟


تعالوا بقى نعمل حل عملى بقى للى ممكن يكسل ومحتاج لحلول عملية 


اول حاجة دور فى النت على مواضيع بتوصف حب الله لينا عامل ازاى 


صدقنى كل اما نحس ان ربنا بيحبنا ازاى كل ما هنصلى واحنا مش حاسين إن الصلاة تقيلة علينا


الحاجة التانية العقوبة المادية


بص انت عندك شهريا 150 فرض تقريبا


هدى مثال وانت طبق بالمبلغ اللى يتعبك


هجيب حصالة وعلى كل فرض يضيع منى احط فى الحصالة مثلا مبلغ ثابت ليكن 4 جنيه


وكل فرض يضيع هعمل كده وياريت تحط مبلغ يكون كبير وغالى عليك


عشان تحافظ على الصلاة


هتيجى اخر الشهر لنفرض انت فوتت 100 فرض يعنى معاك 400 جنيه فى الحصالة


هتعمل ايه؟


هتقسم المبلغ نصين النص الاولانى هتطلعه صدقة وادعى وانت بتطلعه قول يارب انا بعمل اللى بعمله عشان نفسى التزم فى صلاتى يارب ساعدنى ولا تتركنى فريسة للشيطان


المبلغ اللى طالع صدقة مش هينفع تاخده ده اجبارى هيطلع صدقة وده عشان تحاول تحافظ على صلاتك تانى


طب النص التانى؟


هتصلى صلاوات تطوع قيام ليل سنن نوافل اللى تصليه المهم قصاد كل ركعتين تصليهم هتاخد جنيه 


هتقولى ليه جنيه


هقولك عشان انت مش هتبقى عارف الفروض اللى فاتتك كام فرض فيهم 4 ركعات وكام فرض ركعتين وكام فرض 3 ركعات فا انت مش عارف عدد الركعات المطلوبة منك ايه


وبالتالى الاحوط انك هتصلى 200 صلاة تطوع عشان تاخد الفلوس


طب مصلتهومش؟ الفلوس هتطلع صدقة مش هتاخدهم فى جيبك برضه

عشان متضيعش فروض تانى


ومرة فى التانية فى التالتة ربنا هيصلحلك الحال لانك هتبقى جاد تماما فى التوبة


فى طبعا حاجات تانية 


بس كفاية عليكم دول ومتنسوش تدعولى بالدعاء اللى ذكرته فوق


وربنا يصلحلكم الحال


اتمنى اكون قدرت بجد افيد بشئ


وأسف إن كنت طولت عليكم


لكن ده من حبى لكم


وجزاكم الله خيرا


hassan zain
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
Emad akrm
زائر



مُساهمةموضوع: رد:  نفسى اصلى ومش عارف اعمل ايه؟حلك هنا   السبت ديسمبر 03, 2016 10:37 pm

انت ايه ياأخى ربنا يكرمك ويغفر لا اخوك
الرجوع الى أعلى الصفحة اذهب الى الأسفل
 
 نفسى اصلى ومش عارف اعمل ايه؟حلك هنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
شرح :: القسم العام :: الاسلاميات-
إرسال موضوع جديد   إرسال مساهمة في موضوعانتقل الى: