شرح

افضل موقع شرح عربى متكامل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول الروبوت جالب المواضيع





إرسال موضوع جديد   إرسال مساهمة في موضوعشاطر | 
 

 أسرار وخبايا انترنت داونلوود مانجر

اذهب الى الأسفل 
كاتب الموضوعرسالة
Admin
Admin


عدد المساهمات : 694
نقاط : 2571
تاريخ التسجيل : 24/10/2011

مُساهمةموضوع: أسرار وخبايا انترنت داونلوود مانجر   الأربعاء أكتوبر 26, 2011 12:30 am



جميع اسرار برنامج التحميل الاشهر
انترنت داون لود مانجر Internet download manager
شرح كامل لخصائص البرنامج
هذه المعلومات قد يعلمها البعض وقد يجهلها الاخرون فاتمنى ان تستفيدوا منها خير الاستفادة

بعض التساؤلات انا عن نفسى كنت اتمنى انى اعرفها عن هذا البرنامج وسعدت جدا عندما عرفتها
السؤال الاول

ليه البرنامج متوافق مع متصفحات ومتصفحات لا يعنى ليه بعض المتصفحات مش بعرف انزل منها عن طريق البرنامج ده ؟

علشان حاجة اسمها ال INTEGRATION وعشان تضمن انك تخلية INTEGRATE مع كل المتصفحات

*خش OPTION - GENERAL
*علم على USE ADVANCED BROWSER INTEGRATION
*هيقولك عاوز يعمل ريستارت معلش خليها عليك واعمل







السؤال الثانى

هل ممكن لما الداونلود يخلص البرنامج يدينى اى اشارة بحيث انى لو مش قاعد عالجهاز اخد بالى بدل ما كل شوية اشوف خلص ولا لا؟

ياسلام بس كده لو عاوزه يزغرد كمان ياسيدى

*خش OPTION-SOUND
*علم عالاختيارات اللى انت عاوزها ونقى الموسيقى اللى تعجبك من على جهازك بس تكون بصيغة WAV
ولو معندكش الصيغة دى حاططلك تحت برنامج بيحول لكل الصيغ اللى تحبها وحاططلك مقطوعتين انا بستخدمهم







السؤال الثالث

هل السرعة ممكن تزيد ولو شوية صغيرين كمان ؟

يعنى هيا مش هتزيد قوى بس هتحس بفرق

*خش OPTION-CONNECTION
زود الرقم اللى فى الصورة ل 16





ملحوظة لا تطبق هذا الاعداد اذا كنت مشترك فى شبكة انترنت
انما يجب ان تكون وصلة خاصة أما إذا كنت شبكة خارجية فطبق القادم


السؤال الرابع

هل ممكن احدد السرعة اللى بحمل بيها بحيث ما اثرش على الناس اللى معايا فى الشبكة ؟

طبعا تقدر
-كليك يمين على ايقونة البرنامج اللى جنب الساعة واعمل زى الصور





من الصورة السابقة نخليها زى ما احنا حابين
وغالبا المتوسط 30
وبعدين نعلم علامة صح على الاختيار الاولانى
وبعد كدا نضغط اوك
ونروح على الصورة التالية مرة اخرى ونعمل turn on



بعد ذلك نذهب للخيار التالى
خش OPTION-CONNECTION


وبدل 16 نخليها 2
والا هنلاقى كل شوية النت بيفصل بسبب اننا بنسحب سرعة النت دون وعى


السؤال الخامس

هل
ممكن احط اكتر من داونلوود ورا بعض بحيث لما واحد يخلص ينزل التانى
تلقائيا يعنى احط اكتر من ملف يتحمل واحد واحد ومش مع بعض ولما واحد يخلص
ينزل التانى من غير مانا احطهم فانام بقى واسيبه مع نفسه ؟


سؤال جميل جدا جدا وناس كتير متعرفوش
بس قبل مااجاوبة لازم اقولك حاجتين

ان ده تقدر تعمله مع المواقع اللى تدعم استكمال التحميل وانا عن نفسى بفضل المواقع دى وبفرح اوى لما بلاقيها

زى ال
MEDIAFIRE
IFILE
FILESEND
ADRIVE

-ممكن الحركة دى تعلق معاك احيانا حسب ظروف الموقع خاصة اخر اتنين

المهم ازاى تعملها

*اول حاجة لازم تعطل الخيار ده وانا افضل انك تعطله اول ماتسطب البرنامج اساسا



*لما بتيجى تعمل داونلود بيطلعلك البوكس ده وبتضغط داونلوود على طول هنا بقى هتضغط DOWNLOAD LATER


*عاوز تنزل ملف تانى كرر الخطوه دى مع بقية الملفات مع نفسك ملف اتنين تلاته اربعة المهم DOWNLOAD LATER



*هتلاقى البرنامج فى واجهته الرئيسية بقى كده



كده عسل

*هتلاقى فى واجهة البرنامج كلمة SCHEDULERبشكل منبه كده خش فيها



*هتلاقى فوق FILE IN QUEUE خش فيها وقلل الرقم لواحد عشان تحمل واحد واحد مش اتنين او اكتر فى نفس الوقت




واضغط بقى START NOW عشان تبدا الجدول التحميلى وواضح كمان انك تقدر تحدد مين اول واحد ينزل ومين التانى وكده براحتك


السؤال السادس

طب ممكن البرنامج يقفل الجهاز لما يخلص الداون لوود ؟

اه عشان تنام بقى وتستريح
نفس الخيار بتاع
SCHEDULER
واعمل زى الصورة وعلى فكرة الخيار ده تقدر تعمله لو حتى انت حاطط داونلود واحد بس بس ابقى اضغط START QUEUE



السؤال السابع

البرنامج مبيرضاش يخلينى احمل الفيديوهات ال RMVB
اعمل ايه؟

سهله دى
*خش OPTION-FILETYPES

هتلاقى صيغ كتيره محطوطه بعد اخر واحد اعمل مسافة واكتب RMVB




السؤال الثامن والاخير


احيانا
الواحد يحط داونلود ويسيبه ويخرج او ينام او اى حاجة يجى يبص يلاقيه واقف
عند 80% او اى حاجة يجى يعمله resume ميرضاش رغم ان الموقع اللى بيحمل منه
بيدعم الاستكمال مش ده حرام بردو ؟







عندك حق احيانا فعلا السيرفرات بتعمل كده لسبب او لاخر او واحد ابن حلال قطع عنك النت لفترة بنت حلال فالسيرفر راح موقف التحميل


المهم هتعمل ايه هتعمل كالاتى

سيب
الملف اللى مش راضى يكمل تحميل فى حاله متجيش جنبه اوعى تمسحه من قايمة
البرنامج اعمل خطوات انك بتحمل اللينك عادى جدا يعنى كانك هتحمله من اول
وجديد لغاية لما توصل لل box ده



اعمل كوبى لل URL كله واتأكد انك عملت كوبى ليه كله مسبتش حرف واحد روح للملف اللى مش راضى يكمل وكليك يمين واختار properties





هتطلعلك النافذة دى شيل اللينك اللى انا مشاور عليه واعمل paste
للURL اللى انت عملتله كوبى ولضغط OK





ارجع لواجهة البرنامج الرئيسية واضغط RESUME للملف اللى مكنش راضى يكمل وباذن الله هيكمل

hassan zain
تم بحمد الله


والموضوع مجمع مع بعض الاضافات واتحدى حد يلاقيه كامل برا



عدل سابقا من قبل Admin في الأحد فبراير 15, 2015 11:44 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
White kitty
عضو جديد


عدد المساهمات : 2
نقاط : 2
تاريخ التسجيل : 29/10/2011

مُساهمةموضوع: رد: أسرار وخبايا انترنت داونلوود مانجر   الثلاثاء نوفمبر 08, 2011 12:17 am

تسلم الهاااااااندز ياحسن بجد موضوع حلو اوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ohjf
زائر



مُساهمةموضوع: رد: أسرار وخبايا انترنت داونلوود مانجر   الأربعاء نوفمبر 23, 2011 3:38 am


شرح وافي الله يعطيك العافية

cheers
الرجوع الى أعلى الصفحة اذهب الى الأسفل
Admin
Admin


عدد المساهمات : 694
نقاط : 2571
تاريخ التسجيل : 24/10/2011

مُساهمةموضوع: رد: أسرار وخبايا انترنت داونلوود مانجر   الأربعاء نوفمبر 23, 2011 11:53 am

تكرمى وايت للمرور الطيب
وتكرم اخى الزائر للمرور والرد الطيبين
ويعدنا تسجيلك معنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
 
أسرار وخبايا انترنت داونلوود مانجر
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
شرح :: شروحات اليرامج وأنظمة التشغيل :: شروحات البرامج :: شروحات برامج الانترنت-
إرسال موضوع جديد   إرسال مساهمة في موضوعانتقل الى: