شرح

افضل موقع شرح عربى متكامل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول الروبوت جالب المواضيع





إرسال موضوع جديد   إرسال مساهمة في موضوعشاطر | 
 

 حل مشكلة The Disk is write protected

اذهب الى الأسفل 
كاتب الموضوعرسالة
Admin
Admin


عدد المساهمات : 694
نقاط : 2571
تاريخ التسجيل : 24/10/2011

مُساهمةموضوع: حل مشكلة The Disk is write protected   الإثنين مايو 12, 2014 12:56 am

يا مساء الهنا 

يا مساء النور

على كل المعلمين و الاسطوات و الصبيان و كل البلي

===

الاسطى النهار دا جايب لكم حل لمشكلة جامدة بهدلت الرجالة

المشكلة دي تبقى ايه يا اسطى ؟

اقول لكم

كان فيه موضوع واحد عرض فيه مشكلة عن الفلاش ميموري

تيجي تنسخ عليها او تيجي تحذف منها تطلع رسالة تقول 


Error Copying File or Folder

Cannot copy ) File Name ) The disk is write protected. Remove the write protection or use another disk


الاخ عرض المشكلة 

و الميكانيكي راسه و الف مفتاح 46 لازم يعمل مشكلة في جهازه لغاية ما تطلع المشكلة 

و بعدين يحاول يحل المشكلة



الميكانيكي بسلامته عمل المشكلة دي مع فلاش ميموري 1 جيجا و خلاها مش ممكن تنسخ عليها او تحذف منها 

دا كان في جهاز

تاخدها على جهاز تاني تشتغل و تبقى آخر حلاوة 

ترجع للجهاز اللي انت كتفتها فيه تبقى محمية

خلاصة الكلام 

الميكانيكي انشغل شوية عن الحكاية دي 



النهار دا دبت في نافوخ الميكانيكي يشوف الحل 

ليه ؟

لانه اخد فلاش ميموري تانية يشتغل بيها على الجهاز اياه لقاها محمية

جاب هارد دسك خارجي و جا يشتغل بيه لقاه محمي

مع انهم شغالين زي الحلاوة مع الاجهزة التانية 


معنى الكلام ان العقدة في الجهاز ذاته مش في الفلاش او الهارد الخارجي


طيب تحلها ازاي يا ميكانيكي ؟


زمان احنا عملنا المشكلة باستخدام السيكيوريتي

لكن الحل ما نفعش من الطريق دا

طيب يبقى الحل فين ؟

\\\\\\\///////

قولوا بسم الله الرحمن الرحيم


الحل انك تفتح Run و تكتب Regedit علشان تشغل محرر الرجستري

حلو ؟ قولوا حلو

في الرجستري تروح فين ؟

خد العنوان دا


HKEY_LOCAL_MACHINE\SYSTEM\CurrentControlSet\Contro l\StorageDevicePolicies


في العنوان دا ها تلاقي الاسم دا WriteProtect في الناحية اليمين

تغير القيمة بتاعته من 1 إلى صفر

ممكن تلاقي برضه حاجة بالصورة دي 

HKEY_LOCAL_MACHINE\SYSTEM\CurrentControlSet001\Control\StorageDevicePolicies

أو بالصورة دي

HKEY_LOCAL_MACHINE\SYSTEM\CurrentControlSet002\Control\StorageDevicePolicies

اعمل معاها زي اللي فوق


اقول لكم 

ممكن تبحث في الرجستري عن WriteProtect و كل ما تلاقيها تحت مفتاح زي اللي مذكورين فوق خللي قيمتها صفر


عملت كدا 

و بعد ما كان كل الفلاش ميموري و الهارد دسكات الخارجية ما بتشتغلش مع الجهاز 

اشتغلت كلها


زغروطة يا بنت بخاتي 

تشجعي بيها الميكانيكي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
 
حل مشكلة The Disk is write protected
الرجوع الى أعلى الصفحة 
صفحة 1 من اصل 1
 مواضيع مماثلة
-
» واخيرا حل مشكلة الflash disk هنا
» Real Girlfriend + Privilege Disk (PC-2010-Eng)
» برنامج رائع جدا لمعرفة حاله وسلامه الهارد ديسك الخاص بك Crystal Disk Info معرب
» تقسيم الأقراص أو ما يسمى بالـ Fdisk ..!
» USB Guard الحارس الذكي

صلاحيات هذا المنتدى:تستطيع الرد على المواضيع في هذا المنتدى
شرح :: شروحات اليرامج وأنظمة التشغيل :: شروحات البرامج-
إرسال موضوع جديد   إرسال مساهمة في موضوعانتقل الى: