شرح

افضل موقع شرح عربى متكامل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول الروبوت جالب المواضيع





شاطر | 
 

 شهادة حق ضد الاخوان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 665
نقاط : 2494
تاريخ التسجيل : 24/10/2011

مُساهمةموضوع: شهادة حق ضد الاخوان   الجمعة أغسطس 02, 2013 11:55 pm



 شهادة حق بكلمات وهجوم صعب منى لاول مرة ضد الاخوان
قبل ان اسرد كلامى ضد الاخوان اوضح
هل هذا وقت الهجوم على الاخوان؟
كنا بنقول كدا طول السنة اللى فاتت وان دا مش وقته والبلد هتولع ورغم كدا البلد ولعت واخطاؤهم بانت واحنا اتاخدنا بذنبهم
طب ليه التحامل الشديد منى ضد الاخوان فى هذه الفترة
لانهم فى المقام الاول المفروض انهم بيتكلموا باسم الدين ودايما كان شعارهم فى الانتخابات بتاعتهم الاسلام هو الحل فلما الاقيهم بينشروا اكاذيب واللى ضدهم بينشر برضه اتحامل على الاخوان اكتر من اللى ضدهم لان ذنب الشيخ ليس كذنب العلمانى
السبب الثانى المفروض بما انهم بيتكلموا باسم الدين غير انهم بينشروا اكاذيب هما كمان بيتدعوا انهم بيعملوا اللى بيعملوه عشان الشريعة بالرغم من الكذب اللى مالى صفحاتهم بالرغم من كمية الشتيمة وغيرها اللى مالية صفحاتهم واللعن اللى بيحصل منهم للى بيخالفهم الرأيى وهجومهم على اى حد بيخالف رأيهم فى يوم حتى لو كان بيدافع عنهم 10 سنين قبل كدا
والسبب الثالث انى دافعت عنهم دفاع عميانى بما فيه الكفاية وهقول نفس كلمة مرسى الرئيس بتاعهم وليس الرئيس بتاع مصر كفاية عليهم سنة
طب انت ليه بتقول الرئيس بتاعهم؟
لان اللى هتشوفوه فى كلامى كلام صعب جدااا وكبير جدااااااااا تثبت ان مرسى كان رئيس الاخوان وليس رئيس المصريين
معلش كلامى هيبقى طويل بس عشان الناس تقدر تفهم اللى انا وصلتله
وان كنت وما زلت اتمنى انى اكون غلط
كنت مع واحد صاحبى من الثقات منذ ساعتين تقريبا
وكان هو واحد من الناس اللى اقتحموا مقر الاخوان فى الشرقية
واتكلمنا شوية فى السياسة
زى عادة كل المصريين وبعدين صاحبى قالى انا هوريك مصيبة لا تتخيلها
دخل وجابلى مستند بشعار الاخوان المسلمين
جواه شوية ورق تابع ليهم

فى اللى دخل يسرق لاب او جهاز كمبيوتر او ايا كان وهوا دخل يدور على الورق اللى هناك اخد المستند وكتابين وورانى المستند والكتابين
المستند يحتوى على مجموعة اوراق محددة لسير عمل الحزب بداية من شهر 2 سنة 2013 وحتى عزل مرسى
بصيت على مجموعة اوراق مسطرة على شكل جدول
الخانة الاولى اسم الشخص
الخانة التانية وظيفته فى الحزب
الخانة التالتة وظيفة الشخص فى الحكومة حاليا
الخانة الرابعة وظيفته اللى اتعينها زيادة فوق وظيفته السابقة بعد اما مرسى مسك الحكم
سيبوكوا من دا كله
من المستندات او ورقة بمعنى اصح فيها بيانات عمل الحزب فى محافظة الشرقية والقرى التابعة لها
مش فاكر الارقام بالظبط بس انا طلبت من صاحبى يصورهالى ويجيبهالى ارفعها على النت
الورقة مكتوب فيها عدد القوافل الطبية اللى طافت محافظة الشرقية
عدد المدارس اللى تم دهانها وتشجيرها فى محافظة الشرقية
عدد منافذ البيع الخيرية اللى تم عملها فى المحافظة
عدد القوافل الطبية يربوا على ال 130 قافلة مشوفتش منهم حاجة  ما علينا
المدارس اللى تم دهانها وتشجيرها يربوا على 200 مدرسة والكلام دا برضه مشوفناش منه حاجة بس ما علينا لسة الكلام جاى ورا
الكارثة الاكبر ان لما تم اقتحام المكتب مكتب المفروض انهم بيتكلموا باسم الدين لم يتم العثور على مصحف واحد بداخل المكتب عادى مش مشكلة برضه
الكتب اللى هناك وهى كتب الامام حسن البنا وافتح اول صفحة من الكتاب واذا مكتوب فها
تقديم عن الامام حسن البنا كالتالى
هو الامام حسن البنا رضوان الله عليه ودا من ايه كلمة رضوان الله عليه؟
اجى انا بقى اتكلم كمواطن عادى تعالوا نشوف
وظائف الناس اللى فى الجزب اللى شوفتها فى الجدول كانت وظائف محترمة ومرموقة ما بين محاسبين ودكاترة جامعة ومهندسين وغيرهم وغيرهم
المفروض ان الحزب بدل ما يجيب دول ويشغلهم فى وظائف تانية فى الدولة المفروض يجيب الشباب اللى مش شغال وفيه كفاءات كتيرة منه يشغلهم ويعينهم بدل اما اعين الاخوان المتوظفين اساسا فى وظائف اضافية اخرى
يعنى لما اقول مرسى رئيس للاخوان ومش رئيسى ولا رئيس كل المصريين بعد اللى شوفتى يبقى اتمنى الكل يعذرنى
الحاجة التانية القوافل الطبية والتشجير وشوية حاجات تانية كدا واتقال انها اتعملت فى الزقازيق اقول كلمة واحدة  يعنى الناس بتوع الزقازيق شافوا منكم كل دا وطلعوا ضدكم؟ ازاى دا انا واحد من الناس اتحدى الزقازيق بالكامل مجاش لا فيها قوافل طبية ولا غيره وكنا لما بنشوف بيان من الاخوان عن حاجة كانوا بيقولولنا انزلوا اتظاهروا الا ما فى حد قالنا فى قافلة طبية ولا مش عارف ايه كلام كله طبعا اونطة
الخيبة الكبيرة اجمالى المبلغ المستحق اللى تم صرفه فى المواويل دية 2 مليون وكسر طبعا دا من خزينة الدولة يعنى مش هقول سرقة بس هقول فلوس مهدرة من فلوس الشعب والشعب مشافش منها حاجة
كلامك باسم الدين ومفيش مصحف واحد فى مكتبك ووصفك للامام حسن البنا برضوان الله عليه وكلام غريب كدا تانى يعنى بالنسبة لى انكم تنتهجون فكرا معينا تريدون تطبيقه وان عملكم ليس من اجل الدين بدليل
دايما اهتمامكم الاساسى هو السياسة لو عايزين الدين المفروض تنشئوا جماعات دعوية تكون مهمتها الاول تثقيف المجتمع دينيا وخلق جو فيه يجعله يتقبل الجو الدينى فى مصر ومن ثم ااسس دولة على اساس دينى دا لو انا هدفى الاساسى الدين
لكن انتوا كل اهدافكم الجرى ورا انتخابات النقابات وتعيين الناس بتوعكوا فى الحكومة وبعتوا الشباب الغلبان اللى مش لاقى وظايف بدليل الكلام اللى ذكرته فوق
سؤال حقيقى بقى اخير
فين ابناء القيادات الهامة وليس قيادات المحافظات هما فين من مظاهرات رابعة؟
يعنى ابن خيرت الشاطر فين مبيجريش ورا الشهادة ويكون فى الصفوف الاولى ليه ولا هو شاطر يطلع على المنصة يتكلم كلمتين ويمشى ويسيب الشباب هو اللى يموت
فين اولاد  مرسى وغيرهم مش واقفين فى الصف الاول ليه فى وش المتظاهرين عشان ينالوا الشهادة اللى بيتكلموا عنها
للاسف الشديد حزين حزن شديد جدا وانا بقول الكلمة التالية
جماعة الاخوان سقطت من عينى للابد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
 
شهادة حق ضد الاخوان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شرح :: القسم العام :: المنتدى العام-
انتقل الى: