شرح

افضل موقع شرح عربى متكامل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول الروبوت جالب المواضيع





شاطر | 
 

 لا للسلبية حل سحرى لمشاكلن فى مصر بشكل عملى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 665
نقاط : 2494
تاريخ التسجيل : 24/10/2011

مُساهمةموضوع: لا للسلبية حل سحرى لمشاكلن فى مصر بشكل عملى   الخميس أغسطس 01, 2013 3:09 am



الاعضاء والزوار الكرام

تحية طيبة وبعد

وبدون مقدمة طويلة

عن اللى بيحصل فى البلد

انا جاى اقول كلمتين وامشى

فى خلال السنة اللى فاتت كنت تابعت البرامج التلفزيونية التى تتحدث عن مشاكل البلد

ولكن وجدت ان هناك مشاكل حقيقية تمر بها البلد وحلها بيد المواطن اللى دايما يشتكى من هذه المشاكل

على سبيل المثال

مشكلة الكهرباء حقيقى حقيقى دى مشكلة مش قادرين على حلها

الناس قالت مرسى كن بيهرب الكهربا والبنزين وغيره لغزة ودا سبب انقطاع الكهرباء

طب مرسى مشى والكهربا برضه لسة بتقطع

دع معناه ان فى مشكلة حقيقية لازم احنا كمواطنين نتحرك عشان نحلها

على سبيل المثال

معظم البيوت استخدام الكهرباء فيها زائد عن الحد الذى يحتاجه المستهلك

فا على سبيل المثال ودا بدأت اطبقه فى بيتنا

يعنى مثلا السخان مكنش بيطفى ال 24 ساعة طوال السنة صيف وشتا

صحيح مشتكيناش من فاتورة الكهربا قبل كدا بس اشتكينا من قطع الكهربا

على سبيل المثال فى ما 4 شواحن راكبين عندنا فى الفيش مبيتشالوش
فى كشاف محطوط فى الكهربا بيحشن 24 ساعة فى ال 24 ساعة

واحيانا مثلا نسيت النور شغال فى الاوضة او المطبخ او ايا كان بنكسل نقوم نطفيه ونقول لما نبقى نقوم نبقى نطفيه

كل دى كهربا زيادة مهدرة

دى فى شقة واحدة ومحدش يستقل بالكلام دا

تخيل لما يكون عندك 5 مليون بيت مصرى على سبيل المثال فيه كهربا مهدرة زينا كدا

تخيلوا لو حصل وكل بيت وفر واستخدم الكهربا صح ايه اللى هيحصل

ازمة الكهربا هتقل

كلما بذرنا فى النعمة كل اما ربنا يعاقبنا بعدم وجودها

على سبيل المثال القمامة

واحد بيرمى منديل فى الارض ويقولك مش هيعمل حاجة فى الشارع دا حتة منديل واحد شاف المنديل رمى عليه كيس زبالة واحد تانى شاف كدا رمى زيهم وشوية بشوية كوم القمامة كبر وييجى الاوولانى يبص ويقولك البلد دى عمرها ما هتنضف ابدا

إبدأ بنفسك لان لو كل واحد استنى التانى مش هنخلص

مشكلة مياه النيل

هديكوا مثال عملى فيها

عارفين دش الاستحمام كمية المياه المهدرة فيه تكفى للاستحمام كام مرة؟

هنفترض مرتين على الاقل

يعنى لو عندك 5 مليون واحد بيستحمى يوميا بيستهلكوا مية تكفى 5 مليون تانيين

غير الدش

فى مرة من المرات اختى كانت بتغسل هدوم

غسيل زى اى بيت فا كانت حاطة طبق للغسيل بيملا ماية عشان تملا الغسالة

بس هى وراها شغل تانى فسابت الطبق ملا وفضل يدلق عقبال اما تبص على الشغل التانى

وبعدين رجعت صبته فى الغسالة وسابته يملا تانى ومشيت وتكرر الامر 3 مرات على الاقل

استخدمت فيهم 3 اطباق فى الغسالة واهدرت حوالى من 3 ل 4 اطباق على الاقل فى الارض لم تستخدمهم

وانا روحت اعمل شاى رحت مالى الاناء الخاص بالشاى باكتر مما اريد استهلاكه

عشان لو قعدت على الجهاز اعمل حاجة الحق اخر شوية فى المية اصبهم للشاى لكن انا تكاسلت لغاية لما المياه اتبخرت رحت ماليه تانى وحاطه على الناس تانى

وقمت وشربت الشاى ولما جيت بالليل كان فى شوية ماية فى اخر اناء تسخين الشاى

بدل ما استخدمهم رميتهم وحطيت مياه غيرهم

غير انى عندى حنفية بتنقط مياه طول الوقت

مش انا بس دى فى بيوت كتيرة فيها نفس اللى حكيته فوق

دى كلها مياه مهدرة

كل دى مياه مهدرة ونرجع نشتكى من سد اثيوبيا

كمية المياه المهدرة تمثل ثلث ما نستخدمه يوميا تقريبا

يعنى لو فعلا استخدمنا المياه

مش هنشتكى من سد اثيوبيا

ومحدش يقول محدش بيعمل لا ابدأ بنفسك ووعى اللى حواليك

اعمل حملات على النت

التلفزيون على سبيل المثال عامل حملات للكهرباء

ابدأ ولو كل واحد بدأ بنفسه وفكر يوعى اللى حواليه

صدقونى هتتحل كل مشاكلنا

ومتقولش اوعى اللى حواليا ازاى وكلهم هيضحكوا عليا

لا حاول مرة واتنين

اتفق مع مجموعة واعملوا حملة ومروا على المساجد فى يوم الخميس وكلموا الامام انه فى صلاة الجمعة والعدد كبير يطلب من الناس يرشدوا استهلاكهم او بمعنى اصح الاستهلاك المهدر يحافظ عليه

تخيل لو عملت كدا فى 50 مسجد فى محافظتك واتقال ان دى حملة فى جميع المساجد وان مش الناس اللى موجودة وبتسمع دلوقتى لوحدها لا فى المساجد الاخرى بيتم عمل نفس الكلام

تخيل كل مسجد فيه ما لا يقل عن 200 مصلى ودا عدد قليل جدااااااا

200 مصلى فى 50 مسجد 10000 شخص

تخيلوا لو اتعملت حملة واتعملت فى جميع انحاء مصر واستجاب نص الناس حتى مش كلهم

دا هيتقدم بينا لقدام

منقعدش مكاننا ونشتكى واحنا عارفين ان الدولة مش هتحللنا حاجة دلوقتى

مش كل المشاكل نرميها على الدولة لوحدها

لو مستعجلين على الحلول لازم احنا كمان نتحرك تحرك ايجابى

اتمنى الكثير يستجيب وينشر هذا الموضوع لعل وعسى بجد يعمل حاجة

والله الموفق

 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
 
لا للسلبية حل سحرى لمشاكلن فى مصر بشكل عملى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شرح :: القسم العام :: المنتدى العام-
انتقل الى: