شرح

افضل موقع شرح عربى متكامل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول الروبوت جالب المواضيع





شاطر | 
 

 كلنا مصريين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 692
نقاط : 2567
تاريخ التسجيل : 24/10/2011

مُساهمةموضوع: كلنا مصريين   الخميس أغسطس 01, 2013 1:01 am





 السلام عليكم ورحمة الله وبركاته

هذه دعوة للتصحيح

اذا كان الجميع يقولون ان ثورة 30 يونيه كانت ثورة تصحيح مسار

فا احنا كمان عايزين نصحح مسارنا

يعنى هنصحح مسار البلد واحنا نفسنا مبنصححش من نفسنا؟

حد فاكر ياجماعة قبل ثورة 25 يناير احنا كنا مع بعض ازاى؟

قبل اما ندخل معترك السياسة ؟

كانت الالفة والحب والمودة بين الناس موجودة

مكناش بنتخانق كل يوم مع بعض ونقول على بعض متخلفين وخرفان وخنازير ودا كله بسبب السياسة

وانا واحد من الناس دخلت المعترك دا

وخدنا منه ايه غير ان احنا بنخسر بعض بسبب السياسة

زادت العداوة بين الاشتراكى والناصرى

بين الاخوانى والعلمانى

بين ناس كتير وناس كتير

بسبب الاسلوب الخطأ فى الكلام والحوار

بسبب انى بقول عليك خروف وتقول عليا خنزير او العكس

وبسبب ان كل واحد معتقد اعتقاد ومسلم به انه صح مليون فى المية وان كل اللى ضده غلط بالرغم ان ممكن يكون هو غلط مليون فى المية وهوا مش فاهم حاجة فى اى حاجة

كتير من الناس التعصب الاعمى بيخسرهم ناس كتير ومنهم ناس كانوا من اعز اصحابه او قرايبه حتى

ووصلت الدرجة فى عدم الفهم الصحيح ان الناس بقت بتعامل بعضها على حسب اراءهم وتصنفهم بدون وجه حق

انت بتدافع عن شرعية مرسى وشايف ان اللى حصل انقلاب اه انت اخوانجى

انت مؤيد للانقلاب ووضد مرسى اه انت فلول

مع ان دا تلاقيه بيدافع عن حاجة معينة وليست عن الشخص نفسه ولا ينتمى لاى تيار اسلامى من الاساس

ودا تلاقيه بيؤيد قرار معين مش مؤيد لحسنى مبارك او غيره

ونسينا ان كلنا مصريين

مسلم او قبطى

غنى او فقير

ايا كانت انتماءاتنا السياسيى كلنا مصرييييين

لكم ابديت استعدادى لدعوة احد الاشخاص الذين اعرفهم واتمنى ان تنجح وهى القيام بمظاهرة فى الشارع وكل واحد يمسك يافطة يكتب عليها انتماؤه الحزبى ويكتب تحت كلنا مصريين

سواء انا اشتراكى او علمانى او ليبرالى او اسلامى او او الى اخر هذه الاشياء

صحيح ان فى ناس هتقولك الاشتراكية غلط والعلمانية ضد الدين والليبرالى مش عارف ماله وفى ناس تقولك والاسلاميين مش عارف ايه

دى مش مشكلتنا مش معنى انى فاهم العلمانية غلط وبنتمى اليها ابقى انا كافر ومتتعاملش معايا على انى مصرى

مش معنى انى اسلامى او اخوانى وافهم انى صح ومعرفش انى غلط انك تتعامل معايا على انى مش مصرى وخاين وعميل وعدو

بالعكس المفروض نقعد ونتحاور ونتناقش والصح نعمله

ومش كل اسلامى اتهمه انه منافق او بيتاجر بالدين ومش كل علمانى اتهمه انه  كافر

ما يمكن العلمانى دا فاهم العلمانية غلط

ويمكن الاسلامى دا فعلا ضد استعمال الدين فى السياسة وكل ذنبه انه ملتحى ومظهره دينى

متصنفنيش انى اخوان عشان دافعت عن مرسى فى لحظة ومشوفتنيش وانا بهاجمه فى لحظة اخرى

متصنفنيش انى علمانى لنفس السبب برضه

اقعد واتكلم معايا وافهم رأيى وشوف تفكيرى وبعدين صنفنى

وبجد انا نفسى اعمل الحملة دية على النت عشان نرجع نتوحد من تانى ومنختلفش

كلنا مصريين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shar7.arabepro.com
 
كلنا مصريين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شرح :: القسم العام :: المنتدى العام-
انتقل الى: